O Concello da Coruña quere amosar a súa condena ante o crime machista perpetrado onte pola noite na localidade pontevedresa de Mos e envía as súas condolencias a familiares e amizades da vítima. A concelleira de Igualdade e Diversidade, Rocío Fraga, cualificou de “demoledor” o número de mulleres asasinadas este ano en Galicia e no Estado. “Ningunha sociedade democrática pode tolerar este crime en pleno século XXI”, sinalou a edil, quen salientou a “urxencia” de convocar “un pacto social contra as violencias machistas que implique a cidadanía, ás entidades activas na atención das violencias de xénero e ás institucións”. Neste sentido, a responsable municipal lembra “a responsabilidade das autoridades competentes” e e esixe unha maior dotación orzamentaria por parte das administracións autonómicas e do Goberno central para traballar na prevención e eliminación das violencias machistas, así como reforzar protocolos e servizos de atención ás mulleres en todo o Estado.