Concello da Coruña

Concello da Coruña

Cando:

15 de novembro de 2022

O lema deste ano, ‘Alto e Claro’, incide en subliñar a importancia de erradicar as actitudes machistas na mocidade

O Concello programa un mes de actividades arredor do 25N para sensibilizar sobre a violencia de xénero

Charlas, obradoiros, teatro e un autobús informativo, entre as iniciativas para todas as idades que acollerá a cidade

A Concelleira de Benestar Social, Igualdade e Participación, Yoya Neira, presentou esta mañá a campaña municipal do 25N, Día Internacional da Eliminación da Violencia Contra as Mulleres. O lema deste ano, 'Alto e Claro', profundiza na necesidade de loitar contra a violencia de xénero desde as idades máis temperás e erradicar as actitudes machistas entre os máis novos.

"Por desgraza, e segundo estudos de organismos independentes e de prestixio como ANAR ou a Fundación de Axuda contra a Drogadicción (FAD), moitos homes novos non dan relevancia ou mesmo negan a existencia da violencia de xénero", explicou Neira. "A isto súmase a normalización dos celos como proba de amor ou mesmo o control por parte dos mozos das redes sociais ou o móbil das súas parellas", agregou.

"Por iso queremos dicir alto e claro que ignorar a violencia non é eliminala, que o consentimento é a base das relacións de parella e que é inaceptable tomar a broma determinadas actitudes machistas", explicou Neira. "Como di a campaña: todos temos que ser parte da solución, non do problema", engadiu.

Arredor desta campaña, o Concello deseñou unha programación de información e sensibilización cidadá con actividades para todas as idades. O día 25, ás 11.00 horas terá lugar a tradicional andaina que finalizará na explanada de Riazor, onde se formará un lazo humano e se levará a cabo a lectura dun manifesto. Ademais, do 21 ao 25 de novembro, un autobús violeta percorrerá distintos puntos da cidade ofrecendo contidos e actividades de participación sobre a violencia de xénero.

Están programadas charlas de expertos, dirixidas tanto ao público en xeral como especificamente para centros escolares. Entre os expertos están a psicóloga Diana Díaz Álvarez, directora das liñas de axuda da Fundación Anar; a socióloga Carmen Ruiz Repullo, especializada en violencia de xénero en mozos e adolescentes; e o sociólogo e traballador social Lluís Ballester Brage, que abordará o consumo de pornografía en liña entre os adolescentes.

Outro dos eixos das actividades serán os coloquios sobre literatura comprometida, nos que se debaterá sobre libros de temática feminista. Tamén o teatro estará presente entre as actividades coa obra 'A meniña que quería navegar', de Redrum Teatro, que ofrecerá dúas funcións: o 30 de novembro no centro cívico dos Mallos para alumnado de centros escolares e o 17 de decembro no mesmo recinto para o público en xeral. O programa complétase con actividades nos centros cívicos, na UAMI, e o Fórum Metropolitano.

Programación completa

CICLO DE CONVERSAS: "COMPROMETIDAS COA  IGUALDADE".

Conversas nas que persoas especialistas en violencia de xénero e no traballo coa poboación adolescente, abordarán diferentes aspectos de interese relacionados coa detección, prevención e a intervención nesta materia. 

Conversa con Diana Díaz Alvarez

Psicóloga, directora das liñas de Axuda do Teléfono/Chat ANAR da Fundación ANAR, entre elas, o Teléfono ANAR de Axuda a nenos/as e adolescentes (900 202 010) e o Teléfono ANAR da Familia e os centros escolares (600 505 152).

Título: Abordaxe da saúde emocional con menores vítimas de violencia de xénero e os abusos sexuais na infancia

Data: 21 de novembro

Horario: 18.30 a 20.00 h.

Lugar: salón de actos do Centro Cívico dos Mallos

Aberta a toda a poboación ata completar capacidade

Conversa con Carmen Ruíz Repullo

Socióloga especializada en violencia de xénero en adolescentes e mocidade.

Autora da "Historia de Pepe e Pepa" que serviu a moitas adolescentes para detectar que estaban sufrindo violencia de xénero e da "Escaleira cíclica da violencia de xénero en adolescentes".

Título: Coeducación e construción de relacións igualitarias

Data: 28 de novembro

(1ª sesión)

Horario: 10.00 a 11.30 h.

Lugar: salón de actos do Centro Cívico dos Mallos

Público destinatario: centros educativos da contorna coruñesa

(2ª sesión)

Horario: 17.30 a 19.00 h.

Lugar: auditorio do Fórum Metropolitano

Aberta a toda a poboación ata completar capacidade

Conversa con Lluís Ballester Brage

Sociólogo e traballador social experto na abordaxe de redes, pornografía e prostitución na mocidade e especialista en prevención familiar e intervención socioeducativa.

Título: As características, o consumo e as consecuencias da nova pornografía online entre adolescentes e mocidade

Data: 2 de decembro

(1ª sesión)

Horario: 10.00 a 11.30 h.

Lugar: Paraninfo do Reitorado. Rúa Maestranza, 9, 15001 A Coruña

Público destinatario: centros educativos da contorna coruñesa

(2º sesión)

Horario: 18.30 a 20.00 h.

Lugar: salón de actos do Centro Cívico dos Mallos

Aberta a toda a poboación ata completar capacidade

LITERATURA COMPROMETIDA: " Café literario: Comprometidas co bo trato".

Encontro en formato coloquio con autoras comprometidas coa Igualdade e a prevención da violencia de xénero.

Non é necesaria a lectura previa do libro para poder participar nos encontros literarios.

Nuria Coronado e Laura Strego

Obra "Lolita contra el lobo". Denuncia os abusos sexuais na nenez e a mocidade visibilizando este gran problema que segue estando moi oculto e que apodera o agresor.

Data: 18 novembro.

Horario: 19.00 a 20.00 h.

Lugar: Biblioteca municipal de Monte Alto

Aberto a toda a poboación ata completar capacidade (capacidade recomendada 30 prazas)

María Murnau

Autora do libro de poesía "No puedo vivir sin mi".

Esta obra presenta personaxes e situacións que materializan a renuncia persoal de moitas mulleres ante os desexos dos demais, a presión social e os estereotipos de xénero.

Data: 24 novembro.

Horario: 19.00 a 20.00 h.

Lugar: Centro de información ás Mulleres

Aberto a toda a poboación ata completar capacidade (capacidade recomendada 30 prazas)

Towanda Rebels (Teresa Lozano e Zua Méndez)

Coordinadoras do libro "No somos princesas, somos guerreras: cuentos feministas para un nuevo mundo". Contempla contos e relatos de varias autoras recoñecidas que abordan a violencia machista, a sexualización, os estereotipos de xénero ou o acceso á educación. Está dirixido a menores preferentemente a partir dos 9 anos.

Data: 12 decembro.

Horario: 19.00 a 20.00 h.

Lugar: Biblioteca municipal de Castrillón

Aberto a toda a poboación ata completar capacidade (capacidade recomendada 30 prazas)

AUTOBÚS ITINERANTE "Destino: parada violeta. Ruta ao bo trato"

Realización de paradas violetas en diferentes localizacións da cidade nas que o autobús será o contedor de actividades e dinámicas participativas que xirarán arredor da igualdade e a prevención da violencia de xénero. 

Datas: do 21 ao 25 de novembro

Paradas en horario de mañá (09.00 a 14.00 h.)

  • Centros educativos de educación infantil e primaria da contorna coruñesa

Paradas en horario de tarde (17.00 a 19.30 h.)

  • 21 de novembro: rúa Torre (diante da biblioteca AAVV)
  • 22 de novembro: rúa Fonseca (praza de Lugo)
  • 23 de novembro: praza do Centro Comercial Marineda City
  • 24 de novembro: Obelisco
  • 25 de novembro: praza do Centro Comercial Marineda City

Público destinatario: dirixida a públicos de todas as idades.

TEATRO "A nena que quería navegar". Compañía Redrum Teatro

Representación teatral que trata de visibilizar e abordar as consecuencias do acoso escolar a través de técnicas de reforzo positivo e aumento da autoestima.  Espectáculo optimista, colorista, emocionante e reflexivo no que se mesturan distintas disciplinas como os monicreques, o teatro de obxectos, as vídeo-proxeccións e a música en directo.

Realizaranse varias representacións.

Data: 30 de novembro

Horarios: dúas representacións, a primeira de 10.00 a 10.50 h e a segunda de 11.45 a 12.35 h.

Lugar: Salón actos do centro cívico dos Mallos

Público destinatario: alumnado de 3º e 4º de primaria dos CEIPS da cidade.

Data: 17 de decembro

Horario: 18.30 a 19.10 h.

Lugar: salón actos do centro cívico dos Mallos

Aberta a toda a poboación ata completar capacidade (de interese para público familiar)

ACTIVIDADES EDUCATIVAS NOS CENTROS DO SERVIZO DE CANGURAXE MUNICIPAL

Realización dun "pasapalabra" feminista e carteis, debuxos, postais, colaxes, a partir dunha actividade de contacontos baseada nos seguintes relatos:

  • "La cenicienta que no quería comer perdices" de Nunila López Salamero.
  • "¿Es de chica o de chico?" de S. Bear Bergman.
  • "Pepuka y el monstruo que se llevó su sonrisa" de estela Moreno Bermúdez.

Data: Do 21 ao 25 de novembro

Horario: de  15.00 /16.00 a 20.30 h segundo o horario de apertura de cada espazo.

Lugar: centros cívicos Castrillón, Labañou, Monte Alto, Novo Mesoiro, Os Mallos e Palavea.

Público destinatario: menores de idades comprendidas entre os 3.5 e 12 anos.

ACTIVIDADES EDUCATIVAS NA ESCOLA INTERCULTURAL DA UNIDADE DE ASESORAMENTO DE MIGRACIÓNS (UAMI)        

Grupos de infantil

Obradoiro "Mellor entre todos e todas".

Traballaranse os estereotipos e roles de xénero a través dun conto: "El libro de los cerdos", de Anthony Browne.

Actividade: a través da lectura do conto reflexionarase sobre a experiencia que teñen as/os menores coas tarefas do fogar, axudando así a conciencialos/as da importancia da colaboración entre todos os integrantes da unidade familiar.

Grupos de primaria

Obradoiro "A flor do ben querer"

Traballaranse as condutas de bo trato nas relacións afectivas.

Actividade: realización dunha dinámica grupal construíndo unha flor onde cada pétalo reflexe unha desas conductas.

Grupos de ESO

Obradoiro "Desmontando realidades"

Traballarase a identificación de  condutas machistas.

Actividade: analizaranse situacións cotiás vividas polo alumnado, propoñendo ferramentas e condutas que eviten a súa normalización.

Datas: 25 de novembro.

Horario: o habitual das clases.

CENTROS CÍVICOS MUNICIPAIS

Centro Cívico Castrillón

En colaboración con entidades da zona

Actividade: colocación dun lazo na escultura de Pablo Iglesias

Data: 25 de novembro

Horario: 11.00 h. (inicio da concentración)

Lugar: Praza Pablo Iglesias

Público destinatario: aberto a toda a poboación

Actividade: concurso de debuxo e fotografía

Exposición dos traballos realizados no centro cívico.

FÓRUM METROPOLITANO. Obra de teatro "Comando comadres" . Compañía Matrioska teatro

Data: 18 de novembro

Horario: 21.00 h.

Lugar: Auditorio do Fórum Metropolitano.

Público destinatario: poboación en xeral.

Entradas: 9 € poboación en xeral. As persoas maiores de 65 anos, desempregadas ou usuarios/as do carné Xove aboarán 7 €

ACTIVIDADES DEPORTIVAS

Andaina

Dirixida ás persoas participantes nas Escolas Deportivas Municipais.

Data: 25 de novembro

Horario: 11.00 h.

Lugar: saída da explanada de Riazor e da Torre de Hércules á mesma hora.  As persoas participantes xuntaranse na fonte dos Surfistas e regresarán á explanada de Riazor.

Formación dun lazo humano

Data: 25 de novembro

Horario: 12.00 h.

Lugar: Palacio dos Deportes

Categorías da noticia

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión