O Concello da Coruña pon en marcha, desde este venres 23, o Nadal Manicómico, unha iniciativa cultural que abrangue espectáculos de teatro infantil, malabares e acrobacias orientadas ao gozo do público familiar.

Serán seis xornadas nas que o Concello en colaboración coa Asociación Cultural Manicómicos, promoverá teatro e circo a pé de rúa nos barrios da cidade, con diversas sesións de teatro infantil, malabares e acrobacias que terán lugar no treito final de ano e tamén nos días posteriores á Cabalgata de Reis.

A asistencia aos espectáculos é de balde. Todas as actividades terán lugar ao aire libre, agás o previsto mañá, venres 23, no Polideportivo de Novo Mesoiro, por razóns meteorolóxicas.O calendario previsto é o seguinte:

• Venres 23 de decembro (13.00 horas): 'C'est pas possible', coa compañía Sempre Arriba; no Polideportivo de Novo Mesoiro.

• Sábado 24 de decembro (16.30 horas): 'Circo na casa', con Mere Clown; na Cúpula de Eirís.

• Venres 30 de decembro (16.30 horas): 'Ikigai', coa compañía SU.MA; na Praza da Fábrica de Tabacos.

• Sábado 31 de decembro (16.30 horas): 'Charlie, o inventor de palabras', con Carlos Sante; Palavea.

• Sábado 7 de xaneiro (16.30 horas): 'Hell Brothers', con Cirkoimpacto; Matogrande.

• Domingo 8 de xaneiro (16.30 horas): 'Muiñada', con Galeatro; Campo de Marte.