A Concellería de Medio Ambiente informa de que o punto limpo móbil desprazarase esta semana á zona dos Mallos e quedará instalado na praza da Audiencia Provincial, na rúa Capitán Juan Varela, o mércores, xoves e venres. En horario de 09.00 a 14.15 horas, as persoas que o desexen poden empregar este servizo para depositar pequenas cantidades de certos residuos do fogar que non teñen cabida nos contedores das rúas, tales como aerosois, aceite doméstico, baterías e acumuladores, pilas, CD, cristal, lámpadas e fluorescentes, pinturas e vernices, radiografías, ou tóner, así como roupa, zapatos, xoguetes e pequenos electrodomésticos (televisores, microondas, computadoras…). O vehículo contará cun operario para axudar aos cidadáns e cidadás a depositar cada residuo no contedor correspondente.