ACCIDENTES DE CIRCULACIÓN

- Ás 18:01 horas do 20 de agosto tivo lugar un accidente de circulación con feridos, da clase 'arremetida', á altura do número 11 da avenida Primo de Rivera. A colisión produciuse cando un autobús, da marca e modelo MAN NL, virou desde a Costa da Palloza cara a rúa Primo de Rivera, e investiu a un ciclista que estaba a cruzar a calzada polo paso peonil nese momento. O ciclista, un home de 40 anos, veciño de Arteixo, resultou ferido de carácter grave. Foi atendido no lugar por unha ambulancia do 061 e, posteriormente, foi trasladado ao CHUAC.

- Ás 20:30 horas do 20 de agosto, tivo lugar, na Praza Campo da Leña, un accidente de circulación sen feridos. Na colisión estiveron implicados dous vehículos, un turismo, da marca e modelo Peugeot 206 (denunciante), e un todoterreo, que circulaba en sentido contrario e que, tras golpear ao primeiro, deuse á fuga. Unha vez localizado o vehículo fuxido, o responsable podería ser sancionado con dúas denuncias administrativas: por estar implicado nun accidente de tráfico con danos e non comunicar a súa identidade ás persoas afectadas, e por non facilitar a súa identidade e non colaborar coa autoridade, o que lle podería supoñer dúas sancións por un importe de 400 €.

- Ás 21:15 horas do 20 de agosto, produciuse un accidente de circulación con feridos, da clase 'arremetida', na Praza de Ourense, á altura da súa confluencia coa avenida Porto. Na colisión estiveron implicados dous turismos, un Ford Ka e un Opel Astra. Como consecuencia da colisión, resultou ferida con carácter leve, a condutora do primeiro, unha muller de 32 anos e veciña de Oza-Cesuras, que foi atendida e trasladada ata o Hospital Quirón por unha ambulancia do 061.