O 28 de outubro foi a data da IV Carreira Popular Torre de Hércules, ecuador do circuíto municipal de carreiras populares. Alí estiveron, do mesmo xeito que en anteriores citas, o equipo de Meiga Audiovisual, para producir unha reportaxe que nos permitirá revivir a carreira.

Non pode haber mellor testemuña da que foi a única carreira nocturna da cidade co faro romano como guía, na que se bateu un novo récord de participación, cun total de 2604 participantes sumando todas as categorías, o que supón case mil máis que na súa anterior edición. Ademais de seleccionar as mellores imaxes da proba poderedes gozar das entrevistas aos primeiros clasificados.

Quedamos á espera de renovar o circuíto Coruña Corre o próximo 28 de xuño coa VIII Baixada Popular de Cros de San Pedro de Visma.

Acceda a través deste enlace ao vídeo da carreira.