O alcalde, Carlos Negreira, acompañado pola concelleira de Emprego e Empresa, Luisa Cid, visitaron onte luns as nosas instalacións no polígono da Grela.

Na visita, tiveron a oportunidade de charlar cos representantes das 12 empresas que actualmente forman parte da nosa comunidade de viveiristas.

O alcalde salientou a importancia do autoemprego como unha ferramenta fundamental da innovación da nosa sociedade e dos instrumentos que o Centro Municipal de Empresas da Grela pon a disposición dos emprendedores e emprendedoras para seguir apoiando e fomentando o emprendemento; espazo polo que pasaron 30 empresas dende a súa creación no 2010.

Actualmente, o Centro Municipal de Empresas da Grela está ao máximo da súa capacidade. As empresas que forman parte del dispoñen dun máximo de tres anos para desenvolver o seu negocio neste espazo.