O Salón de Sesións do Palacio Municipal de María Pita acolleu este xoves o acto de recepción ao alumnado do Instituto Arxentino-Galego 'Santiago Apóstol', de Bos Aires. A visita, na que tomaron parte 18 rapazas e rapaces e dúas docentes, contextualízase no marco da estadía que o alumnado do centro educativo arxentino está levando a cabo en Galicia neste mes de setembro.

Neste sentido, a concelleira da Área municipal de Benestar Social, Yoya Neira, acompañada polo concelleiro de Educación, Emprego e Relacións Institucionais, Juan Ignacio Borrego, recibiu as e os viaxeiros lembrando "os fortes lazos, históricos e culturais, que unen a Galicia con Latinoamérica".

Ademais, o alumnado do 'Santiago Apóstol' tivo a ocasión de efectuar unha visita guiada polo interior do Palacio Municipal de María Pita, onde coñeceu as diversas dependencias do edificio.