Esta edición do programa está deseñada para o uso dos terreos por parte de persoas físicas, entidades sen ánimo de lucro e centros de ensino. O uso individual das hortas quedará reservado para os parques de Visma, Novo Mesoiro, Eirís e Adolfo Suárez, e o uso colectivo dos terreos desenvolverase nos parques de Oza e Carlos Casares.

As persoas empadroadas no Concello da Coruña, cunha antigüidade mínima dun ano e que cumpran o resto de requisitos, poderán solicitar a autorización para usar un horto que poderán gozar desde marzo de 2026 ata o 31.12.2029.

Nesta nova convocatoria, as adxudicacións faranse por unidade familiar, comprendida por aquelas persoas que convivan e estean empadroadas no mesmo domicilio, calquera que sexa a relación de parentesco existente entre elas.