A continuación publicase un EXTRACTO das Bases que rexeran esta convocatoria, pode consultar as bases completas no documento adxunto na seguinte ligazón ou ao pé da páxina:

• BASES - Convocatoria bolsas para deportistas individuais - 2026

Ou pode consultar o BOP nº61 - 1 de abril de 2026.

BENEFICIARIOS

Poderán ser beneficiarias das bolsas as persoas físicas de nacionalidade española que sexan deportistas federadas, en deporte individual, de calquera modalidade, especialidade e categoría, que cumpran cada un dos seguintes requisitos:

• Para os efectos desta convocatoria e en relación co deporte individual, inclúense as especialidades deportivas que por regulamento deban ser practicadas por 2 persoas e que non teñan representación individual.
  • Aclárase que a práctica deportiva e a súa competición en parellas, dobres ou mixtos, quedan excluídas cando poidan realizarse de forma individual. A modo de exemplo: tenis dobre ou tenis dobre mixto.
• Ter unha idade mínima de 12 anos e máxima de 40 anos cumpridos na data do último día de prazo de presentación de solicitudes. Exceptúase a idade máxima en caso do deporte adaptado para persoas con discapacidade.
• Levar empadroadas no Concello da Coruña un prazo mínimo de 2 anos, consecutivos ou non, dentro dos 5 anos anteriores ao exercicio en que se realice a solicitude.
• Demostrar arraigamento na cidade da Coruña, que se realizará a través dalgunha das seguintes formas:
  • Nacer na cidade da Coruña.
  • Vivir, e/ou adestrar regularmente na cidade da Coruña.
  • Estar matriculada nun centro oficial de estudos na cidade da Coruña.
  • Ter un contrato de traballo nunha entidade con sede na cidade da Coruña e exercelo dentro da cidade.
  • Ter vínculos familiares ata o segundo grao de consanguinidade ou afinidade na cidade da Coruña.
• Estar en posesión dunha licenza federativa durante as dúas tempadas anteriores a esta convocatoria e que siga vixente para o ano 2026 expedida pola federación deportiva que corresponda.
• Pertencer a un club deportivo cuxo domicilio social radique na cidade da Coruña, salvo naqueles casos en que poida xustificarse que non existe na cidade entidade deportiva coas categorías de competición da persoa solicitante.
• Acreditar nivel deportivo na especialidade, polo menos, nos dous anos anteriores á solicitude, e ter proxección de futuro.
• Que se atopen ao corrente no cumprimento das obrigacións tributarias coa Axencia Tributaria estatal, o Concello e a Seguridade Social.
• Non estar a cumprir sanción firme por infracción disciplinaria ou administrativa en materia deportiva, cualificada como grave ou moi grave.
• Non estar incursas en causa de exclusión ou prohibición para obter a condición beneficiaria de subvencións (art. 13 da Lei 38/2003, do 17 de novembro, de subvencións).
• En todo caso, quedan excluídas as categorías Máster ou similar.

CATEGORÍAS DE BOLSAS

As bolsas clasifícanse , para os efectos desta convocatoria, nas seguintes categorías:

• TIPO 1: Bolsas para deportistas que participen nun Campionato do Mundo. Poderán optar aqueles/as deportistas que estean en condicións de participaren nestes campionatos
• TIPO 2: Bolsas para deportistas que participen nun Campionato de Europa. Poderán optar aqueles/as deportistas que estean en condicións de participaren nestes campionatos.
• TIPO 3: Bolsas para deportistas que participen nun Campionato de España. Poderán optar aqueles/as deportistas que estean en condicións de participaren nestes campionatos
• TIPO 4: Bolsas para deportistas que participen nun Campionato Galego-Xunta de Galicia. Poderán optar aqueles/as deportistas que estean en condicións de participaren nestes campionatos.

CRÉDITO ORZAMENTARIO

O importe global das axudas obxecto da presente convocatoria é de CENTO CINCUENTA MIL EUROS (150.000,00 €), gasto imputable á aplicación orzamentaria 52.341.48116 do Orzamento municipal de 2026.

DISTRIBUCIÓN GLOBAL ENTRE TIPOS DE BOLSAS

O importe global distribuirase, sempre que as solicitudes presentadas o permitan, cos seguintes límites máximos:

• Bolsas TIPO 1: 10 bolsas por un importe de 5.000 euros cada unha.
• Bolsas TIPO 2: 10 bolsas por un importe de 3.000 euros cada unha.
• Bolsas TIPO 3: 25 bolsas cun importe de 2.000,00 euros cada unha.
• Bolsas TIPO 4: 25 bolsas cun importe de 800,00 euros cada unha.

PROCEDEMENTO

O procedemento de concesión das bolsas para deportistas individuais obxecto da presente convocatoria tramitarase en réxime de concorrencia competitiva.

Cada deportista poderá presentar unha única solicitude de bolsa, de acordo co que establece a Base 6.1, e indicará de modo claro o tipo de bolsa e a modalidade deportiva para a que solicita esta axuda. Por tanto, só poderá solicitarse e concederse unha única bolsa por persoa.

En caso de solicitar bolsa para unha modalidade deportiva que dispoña de diferentes especialidades ou probas, só poderá presentar solicitude para unha delas. Se se incumpre este requisito e se solicita bolsa deportiva para máis dunha proba, ningunha das solicitudes será valorada, o que producirá a exclusión da persoa solicitante do procedemento.

O erro na clasificación da bolsa non dá lugar á perda do dereito á axuda. A Concellería de Deportes pode cambiar a clasificación da bolsa cando exista un erro ou cando, de acordo coa documentación presentada, se comprobe que lle corresponde outro tipo de bolsa.

PRESENTACIÓN DE SOLICITUDES 

As solicitudes de subvención deberanse presentar OBRIGATORIAMENTE no formulario web da plataforma municipal establecido na sede electrónica do Concello da Coruña: 

• https://sede.coruna.gal

PRAZO 

10 días habiles que se contarán a partir do día seguinte ao da publicación dun extracto desta convocatoria no Boletín Oficial da Provincia.

Se o último día do prazo fose inhábil, entenderase prorrogado ao primeiro día hábil seguinte, quedando o prazo establecido do 6 de abril al 17 de abril (ambos incluidos)

DOCUMENTACIÓN

A solicitude de subvención deberá incluír a seguinte documentación (resumo, consultara as Bases Completas):

a) Solicitude establecida no formulario web.

b) Fotocopia do DNI ou NIF da/o deportista solicitante. No caso de deportistas solicitantes menores de idade, tamén é obrigatorio presentar o DNI ou o NIF do/a titor/a legal..

c) Certificado de empadroamento actualizado á data de finalización do prazo de presentación de solicitudes, no que conste a antigüidade no empadroamento, así como as modificacións realizadas nos últimos 5 anos.

d) Documentación acreditativa do arraigamento familiar (dependendo do caso), segundo a base 3:

• Acreditación de nacer na cidade da Coruña: mediante o certificado de nacemento ou o DNI.
• Acreditación de vivir e/ou adestrar regularmente na cidade da Coruña: facturas ou recibos de subministracións (luz, gas, auga) ou documentos equivalentes a nome da persoa deportista ou dos/as titores/as legais, en caso de ser menor de idade, así como documentos acreditativos de asistencia a instalacións deportivas sitas no municipio da Coruña.
• Xustificante de matrícula nun centro oficial de estudos da cidade da Coruña para o curso 2025-2026, así como certificado do centro que xustifique a asistencia regular e aproveitamento dos estudos do ou da solicitante.
• Contrato de traballo nunha entidade con sede na cidade da Coruña, e xustificante que a persoa solicitante exerce os eu desempeño laboral nun lugar de traballo situado dentro do termo municipal da Coruña.
• Acreditación de ter vínculos familiares ata o segundo grao de consanguinidade ou afinidade na cidade da Coruña: mediante o libro de familia ou calquera outro documento con valor equivalente.

e) Copia da licenza federativa vixente expedida pola federación deportiva correspondente acreditativa da modalidade deportiva para a que solicita subvención, así como das licenzas federativas das dúas tempadas anteriores.

f) Certificado da federación correspondente do historial deportivo completo obtido nas dúas últimas tempadas, con indicación da clasificación lograda en cada un dos campionatos de igual categoría para o que solicita a bolsa.

g) Certificado acreditativo da federación deportiva correspondente no que se acredite que a persoa solicitante non está a cumprir sanción firme por infracción disciplinaria ou administrativa en materia deportiva, cualificada como grave ou moi grave.

h) Proxecto deportivo para a tempada 2026, con mención expresa e obrigatoria das probas, campionatos e fases clasificatorias nos que a persoa deportista ten previsto participar durante o ano 2026. O proxecto deportivo debe cubrirse no Anexo 1 adxunto a esta convocatoria.

i) Declaración responsable das subvencións ou bolsas solicitadas e as que lle foron concedidas para a mesma actividade procedentes de calquera Administración ou ente público ou privado, nacional ou internacional (contena o formulario web).

j) Declaración responsable de non estar incursos en ningún dos supostos de prohibición para obter a condición de persoa beneficiaria á que se refire o artigo 13 da Lei xeral de subvencións (contena o formulario web).

k) Certificación dos datos bancarios da persoa beneficiaria da subvención (orixinal expedido pola entidade bancaria).

l) Compromiso de levar no seu uniforme, material e/ou equipamento deportivo o logotipo do Concello da Coruña, nun lugar visible e de tamaño polo menos equivalente ao logotipo dos seus principais patrocinadores, así como, no caso de dispoñer de páxina web ou redes sociais, a que se faga constarque a persoa deportista recibe unha axuda municipal. Deberá achegar ao proxecto deportivo unha epígrafe específica na que reflicta o modo de cumprimento deste compromiso, na que se especifique o detalle con fotografías, bosquexos ou documentación gráfica específica.

m) Certificado acreditativo de atoparse ao corrente no cumprimento das obrigas tributarias coa Axencia Tributaria estatal, o Concello e a Seguridade Social.

n) Os demais recollidos na Ordenanza municipal de bases reguladoras xerais para a concesión de subvencións polo Concello da Coruña e os seus organismos públicos, e na Lei xeral de subvencións.