O Concello da Coruña, a través da Concellería de Deportes que dirixe Francisco Mourelo, informa de que a segunda edición do Trofeo Eixo Atlántico Cidade da Coruña de hóckey sobre patíns, realizarase na Coruña os días 7 e 8 de decembro. A iniciativa está cofinanciada polo Concello da Coruña, o Eixo Atlántico e a Unión Europea no marco do proxecto europeo Eixo Interior e ten como obxectivo promover o deporte base e o turismo deportivo, ademais de conseguir que este trofeo se converta nun referente de máximo nivel do hóckey sobre patíns base. A organización contará co apoio técnico da Asociación de Clubs Coruñeses de Hóckey sobre patíns.

Tras convocar a todos os concellos do Eixo Atlántico, confirmaron a súa asistencia 12 dos mellores equipos de Galicia e Portugal, trátase do Liceo, a Compañía de María, Dominicos, Santa María del Mar, Santiago de Compostela, Traviesas de Vigo, HC Braga, A.D. Peñafiel, Dragon Force, ED Viana, Famaliçense e Barcelos.

Os partidos disputaranse no Palacio de Deportes de Riazor e no Polideportivo de Monte Alto, en encontros de dous tempos de 20 minutos, cun descanso de 5 minutos, a tempo corrido e cun tempo morto por equipo.

Tras a enquisa de satisfacción realizada na primeira edición - con resultados moi positivos - e como principal novidade, o venres 6 de decembro, realizarase unha charla formativa para adestradores a cargo do seleccionador portugués Luis Sénica.

Tras a realización do sorteo, este foi o resultado:

 

Palacio de Deportes de Riazor

GRUPO A

• Dragon Force
• HC Liceo
• Traviesas HC

 

GRUPO B

• C. Cía María
• AD Penafiel
• Riba de Ave Hóquei Clube (RAHC)

 

 

Polideportivo de Montealto.

GRUPO C

• HC Braga
• SDC Sta. Mª del Mar
• HC Compostela

GRUPO D

• AA Dominicos
• ADB Campo (Barcelos)
• AD Viana

 

 

Este ano, como gran novidade, poderás acceder aos resultados dos encontros de maneira directa e instantánea.

Do mesmo xeito tamén terás a opción de obter un bo recordo do torneo descargando fotos del evento.

Os equipos de fóra da cidade aloxaranse no Acuartelamento de Atocha (coordenadas 43.373,-8.3936 (Avda. Metrosidero, 7).

Para todas aquelas persoas que desexen asistir ao Trofeo ademais de gozar uns días da nosa cidade facilitámoslles este boletín de aloxamento con prezos especiais.