A Rede de Escolas Infantís Municipais dispón, a día 5 de agosto, de 19 prazas vacantes para o curso 2019-2020. 

Para os/as nados/as en 2019 ofértanse 18 prazas: 7 na Caracola, 5 en Arela, 3 na EIM Os Rosales e 3 na EIM Os Cativos. 

E para nenos e nenas que naceron en 2017 hai 1 praza dispoñible na EIM Luis Seoane. 

Solicitude

A solicitude debe realizarse en liña a través da ficha específica "solicitude de praza en escola infantil 2019-2020".

Unha vez cuberta a ficha, o sistema elabora un documento PDF que conterá unha copia da solicitude e que enviará ao correo electrónico facilitado. Este documento deberase imprimir, asinar e presentar na escola dentro do prazo extraordinario.

Non se considerará efectuada a solicitude en tanto non se presente na escola. Presentarase unha única solicitude nunha das dúas escolas que elixan na ficha específica. Só se poderá solicitar praza nun máximo de dúas escolas. A presentación da solicitude implica a aceptación das instrucións da convocatoria.

Consulta toda a información do proceso de admisión na REIM .