Nos días previos á visita da persoa protagonista, o alumnado fará un traballo sobre o que é e que repercusión ten un evento da magnitude dos Xogos Olímpicos. Traballarase a historia antiga e moderna dos ditos xogos, o complexo camiño da clasificación, a preparación psíquica e física dos/as atletas, a presión da competición, o número de deportes olímpicos e tantas e tantas historias e curiosidades que rodean unha cita olímpica.