O programa "Cinema na escola" persegue converter a cada neno e nena en verdadeiro protagonista da aprendizaxe, xa que cada participante é capaz de desenvolver os seus talentos, traballar en equipo, desenvolver a súa creatividade, apredenr, e expresar emocións e contar historias.

Os colexios que soliciten participar recibirán un módulo de formación orientado ao profesorado que coordine a actividade, acceso a material exclusivo "videotutoriales"e acceso directo ao equipo técnico para resolvar dúdas ao longo de toda a fase creativa.

O módulo de formación constará de dúas sesións de 90 minutos en liña, onde se abordarán aspectos como: a idea, a sinposis, o guión literario, técnicas de gravación, o casting, ensaios, rodaxe, edición e montaxe ...

Terminada a fase de formación, os equipos poderán comezar o traballo de guionización, gravación, edición e montaxe final.

Os curtos deben presentarse antes do 14 de abril polas canles abertas para a ocasión, dos que se informará máis adiante.

Os premios que se van a conceder son os seguintes: mellor película, mellor protagonista, mellor guión, mellor fotografía, mellores efectos visuais, mellor edición de vídeo, mellor edición de audio. Tamén haberá un premio do público para o vídeo máis valorado en redes sociais... e diversas mencións menores para favorecer que todos os centros poidan sentirse protagonistas na Gala final.

Nesta edición 22/23, haberá unha gala de entrega de premios para primaria e outra para secundaria, sempre que se inscriban centros suficientes en cada categoría.