A participación é voluntaria e a inscrición gratuíta , a través da ficha específica; na que constarán os seguintes datos: nome e apelidos, NIF/NIE, idade, teléfono e correo electrónico de contacto, centro educativo, nivel, curso e grupo. E se é menor de idade, permiso dos seus pais ou titores legais.

A adxudicación farase pola orde de chegada das inscricións.

Condicións do programa

Os monólogos tratarán temas de actualidade elixidos polos técnicos do Servizo Municipal de Educación en tres categorías diferentes:

• Categoría A: alumnado de 1º e 2º curso da ESO
• Categoría B: alumnado de 2º e 4º curso da ESO
• Categoría C: alumnado de BACH e ciclos formativos de FP.

Cada centro docente poderá presentar o alumnado participante de maneira individual ou en grupos.

Cada alumno/a que se presente individualmente representará un monólogo.

Cada grupo estará integrado por un máximo de tres alumnos/as e representará un só monólogo.

• 1º e 2º de ESO
• 3º e 4º de ESO
• Bacharelato e Ciclos Formativos de FP

O Servizo Municipal de Educación publicará con antelación as condicións e prazos para presentar os textos dos monólogos.