O concelleiro de Educación, Emprego e Relacións Institucionais, Juan Ignacio Borrego, recibiu hoxe ás alumnas e alumnos do instituto Liceo Scientífico Statale Lorenzo Mascheroni, de Bérgamo (Italia), que están realizando un intercambio cos estudantes do IES Plurilingüe Durmideiras.

O concelleiro destacou a importancia deste tipo de intercambios culturais que se levan a cabo cada vez con máis frecuencia nos centros educativos da cidade, e animou ás alumnas e alumnos do país transalpino a disfrutar da súa estadía na Coruña, especialmente da oferta cultural e divulgativa promovida a través da rede municipal de Museos Científicos Coruñeses.

Ademais, convidou ao alumnado a visitar a Torre de Hércules para achegarse ao pasado romano que comparten Bérgamo e A Coruña.