O parque de Santa Margarita foi testemuña, o pasado sábado 10 de maio, da 29.ª edición do Día da Ciencia na Rúa.

Ao longo do día, máis de 1.000 escolares, científicos e científicas de 54 centros escolares da Coruña e outras localidades galegas, 9 centros universitarios e 13 entidades ofrecéronlle ao público participante numerosas propostas, actividades e experiencias para conectar a ciencia e a tecnoloxía coa vida cotiá.

Desde o programa educativo Coruña Tardes acudiron tres grupos do obradoiro ABRACADABRA, de Ciencia e Maxia, dos centros San Pedro de Visma, Juan Fernández Latorre e María Barbeito; en total participaron 14 menores que mostraron información sobre diversos experimentos relacionados coa electricidade.