O mércores 3 de xuño ás 19.00 h a Biblioteca Municipal Ágora acollerá a presentación do libro "La niña del columpio", de Rebeca Cernadas Ameijeiras e Miguel López Vigo.

A obra, recentemente publicada na colección de Narrativa da editorial Medulia, narra a historia de Álvaro e Martina, dúas persoas de orixes diferentes cuxos camiños se cruzan a raíz dunha enfermidade que teñen en común, a Esclerose Múltiple (EM).

Un encontro coa literatura, o desafío e a sensibilidade da man de Rebeca Cernadas e Miguel López.

Descubre máis sobre o libro

Álvaro e Martina son de orixes diferentes, pero os seus camiños, aínda sen ser conscientes diso inicialmente, crúzanse na Costa da Morte. Un bo día coinciden no centro cívico de San Diego. Estaba a desenvolverse unha conferencia sobre a enfermidade que teñen en común, Esclerose Múltiple, algo que os uniría para sempre. Este matrimonio, que na actualidade emprega cadeira de rodas, é moi aventureiro. Apúntanse a calquera actividade xuntos, desde vela, surf e piragua ata concertos de todo tipo, divertidos monólogos e viaxes, como aquel magnífico e inesquecible cruceiro polo Mediterráneo.

(Sinopse editorial Medulia)