Concello da Coruña

Concello da Coruña

Consumo consciente, colaborativo e responsable 2026-27

Os talleres da área de consumo consciente, colaborativo e responsable están orientados a que o alumnado coñeza diferentes formas de consumo que priorizan a ssostibilidade, a xustiza social e o uso eficiente dos recursos. A través de actividades prácticas e participativas, abórdanse aspectos como o comercio de proximidade, o consumo responsable, a xestión de recursos e a economía circular.

Estas actividades contribúen ao desenvolvemento do pensamento crítico, a educación en valores e a sostibilidade, facilitando a súa integración no currículo educativo e na programación do centro.

Localización do centro:

Só da Coruña

Servizo municipal:

Consumo

Tipo de actividade:

Complementaria

Titularidade do centro:

Público, Concertado, Privado

A quen vai dirixido?:

Alumnado de 2º ciclo de EI, EP, ESO, BACH, FP e EE de todos os centros educativos da Coruña.

Horario:

Cada taller ten unha duración aproximada de 60 minutos e desenvolverase en horario lectivo.

No caso de que as sesións do centro educativo sexan de menos de 60 minutos, cabe consultar a posibilidade de reservar dúas sesións consecutivas para a correcta realización da actividade.

Obxecto:

Esta área ten como finalidade que o alumnado adquira actitudes de consumo consciente, responsable e ssostible, promovendo a reflexión sobre o impacto das súas decisións no ámbito social, económico e ambiental, así como o coñecemento de alternativas de consumo máis xustas e respectuosas.

A Oficina Municipal de Información ás persoas consumidoras (OMIC), dispón dunha ampla oferta formativa no campo do consumo. Dentro do programa A Coruña Educa presentamos un conxunto de talleres prácticos que supoñen unha actividade dinámica, estimulante e formativa. Todas as actividades están dinamizadas por un equipo docente especializado no campo do consumo responsable e coordinado pola OMIC.

Os diferentes talleres están organizados segundo as distintas etapas educativas; deste xeito, as persoas responsables da docencia poderán escoller aquelas actividades máis adecuadas ao desenvolvemento curricular correspondente.

Ademais, os talleres compleméntanse con charlas para o equipo docente e familias. Deste xeito, toda a comunidade educativa pode formar parte do proceso de aprendizaxe en valores de consumo responsable.

Duración e localización

Cada taller ten unha duración aproximada de 60 minutos e desenvolverase en horario lectivo. É preceptiva a presenza de persoal docente do centro durante o desenvolvemento da actividade.

Os talleres poderán levarse a cabo nos propios centros educativos ou nas instalacións da OMIC da Coruña (rúa Costa da Palloza, 8).

Condicións do programa

  • A planificación das actividades será realizada desde a OMIC coa persoa responsable da coordinación deste programa no centro educativo.
  • O número máximo de participantes por grupos é de 25 (unha aula), en cada taller, acompañados de forma preceptiva por persoal do centro educativo.
  • No caso de que a demanda supere a dispoñibilidade de prazas outorgaranse as actividades por rigorosa orde de inscrición. Establecerase un límite máximo dunha actividade por cada grupo de cada centro.
  • Unha vez confirmadas as actividades, non será posible realizar cambios a menos que exista unha causa xustificada. No caso de que a educadora asista na hora e data acordada e o taller non se poida levar a cabo, este non se reprogramará.
  • Debido á alta demanda de actividades non se admitirán cambios de datas unha vez confirmadas a menos que exista unha causa xustificada e penalizarase para futuras actividades.
  • As actividades están deseñadas para diferentes grupos de idade, polo que se deberá ter en conta no momento de realizar a solicitude.
  • Procuraremos adaptar as actividades ás datas propostas polos centros tendo en conta a demanda e a organización. A data definitiva será confirmada ao centro por escrito e non se admitirán cambios.
  • Para o correcto funcionamento do programa, acordaranse os talleres no menor número de xornadas posibles en cada centro.
  • Os talleres poderán adaptarse para alumnado con diversidade funcional e para grupos de educación especial.

Talleres da área de consumo consciente, colaborativo e responsable

Cando:

Dende o 01/10/2026 ata o 18/06/2027

Inscricións:

Dende o 15/09/2026 ata o 15/10/2026

Ficha de solicitude

Contacto:

OMIC. Oficina Municipal de Información ao Consumidor

Sede: R/ Costa da Palloza, 8. A Coruña 15006

Tel. 981 18 98 20

omic@coruna.es

www.coruna.es/omic

Coordinadora do programa: Lidia Mª Blanco Iglesias

Actividades relacionadas

Documentos relacionados

  • Consumo consciente, colaborativo e responsable 2026-27 - Información sobre o programa (143 KB)

Teléfono de asistencia técnica da web educativa municipal (981 902 327)

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión