Na Coruña acollemos unha vangarda de mulleres bravas que serviron de exemplo a outras moitas. A chegada á cidade de dona Concepción Arenal marcou un fito de gran interese para outras mulleres que tiveron relevancia na historia da Coruña.

Con motivo do centenario da escultura que esta Cidade lle dedicou a dona Concepción Arenal, a Concellaría de Igualdade e Diversidade organiza o roteiro a pé desde María Pita até a escultura ubicada nos xardíns de Méndez Núñez coa intención de homenaxear a esta gran muller precursora que, en pleno século XIX, se atreveu a sacudir a saia e exercer o seu dereito a crear un pensamento propio e traballar por aquilo que consideraba xusto.

A saída farase desde María Pita ás 18.30 horas e finalizará na escultura dedicada a Dona Concepción Arenal, nos xardíns de Méndez Núñez, unha hora máis tarde.