O luns 22 de abril ás 19.00 h. na Biblioteca Municipal Fórum Metropolitano teremos a presentación do libro "Mundanal ruido, poemas para un tiempo revuelto" de Rebeca R. Dapena.

SINOPSE:

Mundanal ruido, poemas para un tiempo revuelto é unha obra que plasma a realidade desta vida observable. Ás claras. De como tentamos ser felices e abundantes, moitas veces seguindo pautas e dogmas preestablecidos. Da concepción da vida en sociedade. Do persoal. E tamén da túa liberdade. De revalorizarse, de transformarse.Unha proclama tamén ao paso do tempo e a esta existencia, ata a mesmísima morte. Pensamentos e poemas de rima curiosa e rápida lectura que profundan en distintos momentos da vida a medida que ti avanzas o libro. Unha pequena gran reivindicación, querido lector, se todos estamos a formar parte deste mundo, co seu mundanal ruído."Aí vou de novo. Á vida, a outro día. A este circo, ao invento""Nin cabaleiro nin princesa..."

BIOGRAFÍA:

Rebeca R. Dapena é unha autora xenuína nada en Monforte de Lemos (España).

Defínese como escritora desde a súa infancia, utilizando tanto o xénero lírico como narrativo, e é agora que se decide a dar o paso cara ao mundo da publicación que o fai expresándose por medio da poesía no seu primeiro libro aberto ao público.

Atemporal e activa, R. R Dapena defínese como defensora da consciencia do ser. A través da madurez dos seus anos de experiencia soubo atopar o equilibrio entre o seu lado máis espiritual e as súas facetas máis humanas.

Acceso libre ata completar capacidade.