A reapertura do Aquarium Finisterrae comezou o luns 8 de xuño ás 10 horas. Todas as persoas que visiten a Casa dos Peixes deberán gardan unhas normas de seguridade, como usar de forma obrigatoria a máscara, sen válvula exhalatoria (segundo resolución de 18 de xullo de 2020, da Secretaría Xeral Técnica da Consellería de Sanidade, Xunta de Galicia), durante toda a visita e manter a distancia de dous metros entre persoas que non convivan. Ademais deberase evitar tocar calquera obxecto ou superficie, de feito hanse deshabilitado os elementos interactivos do museo.

Polas súas características, o acceso á sala Nautilus poderá realizarse cada 20 minutos en grupos de tamaño reducido e acompañados dunha persoa do centro.

Para compensar esta redución da oferta e outras restricións que o público atopará durante a visita, reduciuse o prezo da tarifa xeral de 10 a 4 euros para as visitas para partir do 11 de xuño.

Como realizar a reserva de visita

O Aquarium Finisterrae recibirá visitantes de luns a domingo, en grupos dun máximo de 30 persoas cada 20 minutos.

Para visitar o Aquarium Finisterrae haberá que realizar previamente unha reserva por internet, con ata tres días de antelación, a través deste enlace web.

Poderán reservarse un máximo de 5 entradas por persoa, elixindo día e tramo horario segundo dispoñibilidade.