Museos Científicos Coruñeses é un servizo do Concello da Coruña que comprende tres museos de ciencia interactivos: Casa das Ciencias, Domus e Aquarium Finisterrae. O seu obxectivo é ofrecerlle á cidadanía estímulos e recursos para incorporar a ciencia á súa cultura, para comprender mellor o mundo no que vivimos.

As súas numerosas actividades inclúen exposicións, talleres, cursos, conferencias, publicacións e eventos singulares. Ademais, cada ano convocan os premios Prismas Casa das Ciencias á Divulgación.