A Casa das Ciencias é un museo interactivo do servizo municipal Museos Científicos Coruñeses que abriu as súas portas o 1 de xuño de 1985.

Situada nun palacete dentro do parque de Santa Margarida, conta cun planetario e tres plantas de exposicións: experiencias de física, exposición sobre péndulos e exposición sobre a astronomía nos medios de comunicación. No oco da escaleira central oscila un péndulo de Foucault.

EXPOSICIÓNS

• AURORAS BOREAIS

Exposición fotográfica con nove imaxes das excepcionais auroras boreais vistas desde Galicia en maio de 2024. A selección realizouna Dosi Veiga, editor do proxecto Ceos galegos.

• FÍSICA EN ACCIÓN

Xoga, sinte, imaxina, pensa, sorrí, soña... Experimenta cos módulos interactivos do primeiro andar, e esperta a túa curiosidade pola física. Na Casa das Ciencias o importante non son as respostas senón facerse preguntas: pódese baixar unha costa cara arriba?, como se moven as dunas?, que tamaño pode alcanzar unha pompa de xabón?

> PURO SWING

A exposición Puro swing é unha colección de quince módulos interactivos para xogar e experimentar sobre aspectos relacionados co movemento dos péndulos. Sube a unha randeeira diferente, comprende o segredo do botafumeiro, mira como a gravidade fai debuxos xeométricos ou descubre como funcionaban os reloxos antes de que houbese pilas.

• A ASTRONOMÍA COMO CHA CONTAN

A astronomía como cha contan é unha exposición sobre a forma en que os medios de comunicación tratan as noticias sobre astronomía e astronáutica. A información está distribuída en seis ámbitos que cobren desde a exploración do Sistema Solar ata os achados de planetas extrasolares ou a vida de astronautas no espazo.

• PARQUE

As sorpresas da Casa das Ciencias traspasan as súas paredes e invaden o Parque de Santa Margarida. Proba a mover unha bóla de granito de 1.500 quilos cunha soa man ou sentar xunto a unha maceira clónica da de Newton, a que o inspirou para descubrir a lei da gravidade.

PLANETARIO

Viaxa no espazo e no tempo no planetario da Casa das Ciencias grazas aos seus proxectores dixitais, que nos trasladan con gran realismo ata os confíns do universo, e grazas ao seu proxector analóxico Zeiss, que reproduce a noite estrelada para descubrir todos os astros que se poden observar a primeira ollada.

• As entradas para asistir ao planetario da Casa das Ciencias só se poden adquirir na recepción do museo o mesmo día da sesión.
• As entradas de planetario dos días con entrada gratuíta (24 de maio, 24 de xuño, 8 ao 16 de novembro de 2025) só se poden adquirirse en liña a partir das 9.00 horas do día anterior.

CARTELEIRA DE MAIO

Sábados, domingos e festivos:

11.30 h: Dinosauros. Unha historia de supervivencia (galego, 6-12 anos) *(excepto o último sábado do mes)

13.00 h: Biosfera oscura (castelán, + 10 anos) *(excepto o último sábado do mes)

17.00 h: Hazelnuts. Na procura do planeta perfecto (galego, 4-7 anos)

18.00 h: Sesión en directo, (cast./gal., + 10 anos)

* Os últimos sábados do mes hai dúas sesións especiais en directo gratis

AVISOS

1. As persoas menores de 4 anos non poden acceder ao planetario.
2. As proxeccións comezan á hora indicada. Unha vez empezada a sesión non é posible acceder ao planetario. Pedimos máxima puntualidade.

HORARIO

• INVERNO (xaneiro e febreiro)

Luns a venres: das 10.00 ás 18.00 h*

Sábados, domingos e festivos: das 11.00 ás 19.00 h*

* O acceso péchase 30 minutos antes.

1 e 6 de xaneiro: pechado

• PRIMAVERA (marzo a xuño)

Luns a domingo: das 10.00 ás 19.00 h*

*O acceso péchase 30 minutos antes.

• VERÁN (xullo e agosto)

Luns a domingo: das 10.00 ás 20.00 h*

* O acceso péchase 30 minutos antes.

• OUTONO (setembro a decembro)

Luns a domingo: das 10.00 ás 19.00 h*

24 de decembro: das 10.00 ás 14.00 h*

31 de decembro: das 10.00 ás 14.00 h*

* O acceso péchase 30 minutos antes.

25 de decembro: pechado

ENTRADAS

As entradas para visitar as exposicións e asistir ás sesións de planetario só se poden adquirir na recepción da Casa das Ciencias.

> Xeral: 2,06 euros. Suplemento de planetario: 2,06 euros

> Reducida*: 1,03 euros. Suplemento de planetario reducido*: 1,03 euros.

*Menores de 16 años; mayores de 65; personas desempleadas, tras la presentación del documento acreditativo; Carné Joven, carné de estudiante y miembros de familias numerosas, tras la presentación del documento acreditativo.

> Gratis 

• Festivos locais do Concello da Coruña (4 de marzo e 24 de xuño de 2025. Con reserva previa de entradas en liña só para as sesións de Planetario, con 1 día de antelación)
• Día da Ciencia na Rúa (10 de maio de 2025)
• Día dos Museos (24 de maio de 2025. Con reserva previa de entradas en liña para as sesións de Planetario, con 1 día de antelación)
• Semana da Ciencia (do 8 ao 16 de novembro de 2025. Con reserva previa de entradas en liña para as sesións de Planetario da fin de semana, con 1 día de antelación)
• Persoas con discapacidade
• Menores de 4 anos
• Guías turísticos/as no desenvolvemento das súas tarefas, tras a presentación do carné acreditativo
• Persoal docente, debidamente acreditado
• Estudantado da Universidade da Coruña, tras a presentación do carné acreditativo
• Xornalistas, debidamente acreditados/as
• Membros da Asociación de Amigos da Casa das Ciencias
• Membros da Agrupación Astronómica Coruñesa Ío

> Bono Tres Casas: 12,36 euros

> Tarxeta Vente: 20,60 euros

> Tarxeta Vente Mini*: 10,30 euros

*Menores de 16 anos e maiores de 65

• Bono Tres Casas: permite o acceso ás salas de exposicións da Casa das Ciencias, Domus e Aquarium Finisterrae (só un acceso por museo). É necesario conservar o bono en perfecto estado. Debe adquirirse na recepción da Casa das Ciencias, da Domus ou do Aquarium Finisterrae.
• Tarxetas Vente e Vente Mini: son nominativas, permiten o acceso ás salas de exposicións da Casa das Ciencias, Domus e Aquarium Finisterrae durante un ano natural que se conta desde a data de emisión (sen límite de accesos) e será necesario presentar o DNI cada vez que se utilicen. Á venda na recepción dos tres museos.

VISITAS ESCOLARES

Se queres visitarnos cun grupo escolar, consulta toda a información aquí.