O programa «Imaxina Coruña», organizado polos servizos de Educación e Museos Científicos do Concello da Coruña, ten como obxectivo difundir a cultura científica e tecnolóxica entre o alumnado de Secundaria e Bacharelato. Partindo do tema proposto para este curso -novos materiais para un mundo mellor- convidóuselles a desenvolver unha investigación ou deseño tecnolóxico utilizando a ciencia, a tecnoloxía, a enxeñeira e as matemáticas para resolver un problema real na sociedade.

Na fase final, que se celebra o sábado 2 de abril na Domus, o alumnado participante presentará os seus proxectos ante un xurado e ante o público, en horario de 11.30 a 14.00 horas e de 16.00 a 17.30 horas. Unha vez visitados os espazos, o xurado retirarase a deliberar, comunicará un veredicto e realizarase unha entrega de premios, que terá lugar ás 18 horas.

Con motivo deste evento, a Domus celebra este sábado 2 de abril unha xornada de portas abertas, pero é imprescindible reservar as entradas, cun máximo de 3 días de antelación, aquí.

A xornada completarase con diversos talleres e espectáculos científicos:

• #imaxina_xove. Experimentos presentados pola asociación xuvenil XenTd100cia. Celebraranse en horario de 11.00 a 14.00 horas e de 16.00 a 19.00 horas.
• #imaxina_ciencia. Espectáculo científico para toda a familia a cargo do divulgador científico David Ballesteros. Haberá dúas sesións, ás 12.30 e ás 17 horas. Repartiranse convites para este espectáculo entre as persoas que estean a visitar o museo. Os convites da sesión das 12.30 repartiranse, ata completar a capacidade, a partir das 11.00 horas na recepción do museo; as da sesión das 17.00 horas repartiranse a partir das 16.30 horas.
• Taller C-Olores de Alexandría. Un obradoiro coa avoa da Química onde mozas e maiores conversarán sobre as súas lembranzas vencelladas aos aromas a través da composición dunha historia olfativa en banda deseñada. Despois sacaranse as historias á luz para darlles brillo... Este taller estará impartido por , OdourCollect premiado co Prisma Casa das Ciencias 2021 na categoría de mellor proxecto singular. Celebrarase en horario de 11.00 a 14.00 horas, e de 17.00 a 19.00 horas.