Na Oficina Virtual do Contribuínte (botón Tramitar en Liña), identificándose con DNI electrónico ou certificado dixital avanzado e recoñecido, dentro da opción Recibos (os meus recibos pagos) e As miñas Liquidacións. Unha vez xerado arquívase no Buzon de Documentos da OVC. Esta opción recoméndase, sempre que se teña certificado dixital, posto que se obtén o documento de maneira inmediata.

En calquera caso, en aplicación do artigo 14.2 da Lei 39/2015, de Procedemento Administrativo Común, teñen a obrigación de realizar este trámite, a través da Oficina Virtual do Contribuínte:

a) As persoas xurídicas.

b) As entidades sen personalidade xurídica (asociacións, sociedades civís, comunidades de propietarios, etc).

c) Quen exerza unha actividade profesional para a que se requira colegiación obrigatoria, para os trámites e actuacións que realicen coas Administracións Públicas en exercicio da devandita actividade profesional. En todo caso, dentro deste colectivo entenderanse incluídos os notarios e rexistradores da propiedade e mercantís.

d) Quen represente a un interesado que estea obrigado a relacionarse electronicamente coa Administración.