É obxecto da presente Lei:

a) Garantir ás persoas con mobilidade reducida ou calquera outra limitación a accesibilidade e utilización da contorna urbana, de edificios, medios de transporte e sistemas de comunicación sensorial.

b) A promoción de axudas técnicas para mellorar a calidade de vida das citadas persoas.

c) O establecemento de medidas de fomento para conseguir a integración das persoas con limitación.

d) O control do cumprimento da normativa de aplicación na materia e o establecemento do correspondente réxime sancionador para as infraccións cometidas.

e) A desaparición das barreiras ou obstáculos físicos ou sensoriais existentes

tivos conseguir unha sociedade inclusiva e accesible que garanta a autonomía das persoas, evite a discriminación e favoreza a igualdade de oportunidades para toda a cidadanía, especialmente para as persoas que teñen discapacidades, nun marco demográfico tendente ao incremento da esperanza de vida e ao envellecemento da poboación; dispoñer dun marco normativo propio, simplificado e eficiente, en materia de accesibilidade, adecuado ás directrices internacionais e estatais, no exercicio das competencias da Comunidade Autónoma de Galicia; e facer realidade o concepto de accesibilidade e deseño para todos, nos procesos, proxectos, produtos e servizos, de modo que se facilite o uso universal, con plena seguridade, do medio físico, evitando gastos posteriores de eliminación de barreiras.