O próximo 12 de agosto será posible ver desde A Coruña unha eclipse total de Sol, un evento excepcional e único para o que é importante prepararse con antelación.

O 30 de abril ás 20.21 horas a posición do sol será practicamente a mesma que a do 12 de agosto ás 20.28 horas, cando comezará a fase de totalidade da eclipse, polo que agora é unha boa ocasión para realizar un ensaio da observación.

Puntos con boa visibilidade

A eclipse será visible na Coruña á tardiña, polo que o Sol estará baixo e para velo hai que buscar un lugar no que non haxa obstáculos como edificios, árbores ou elevacións do terreo que oculten a visión.

Dous mapas interactivos elaborados polo Concello da Coruña permiten atopar os puntos da cidade dende os que se poderá observar a eclipse o 12 de agosto.

Poden consultarse nestas ligazóns:

Mapa de sombras

Visor de puntos de observación