Ten por obxecto desenvolver a Lei 8/1997, de 20 de agosto, de accesibilidade e supresión de barreiras na Comunidade Autónoma de Galicia, establecendo de forma pormenorizada as normas que garantan ás persoas con mobilidade reducida ou con calquera outra limitación a accesibilidade e a utilización da contorna urbana, de edificios, medios de transporte e sistemas de comunicación sensorial e promovendo á súa vez a utilización de axudas técnicas adecuadas que permitan mellorar a calidade de vida das persoas.

Así mesmo, tamén é obxecto deste regulamento o establecemento de medidas de fomento para conseguir a integración das persoas con limitacións, a regulación do control do cumprimento da normativa de aplicación na materia, o desenvolvemento do réxime sancionador previsto para o caso do incumprimento da normativa vixente, a desaparición progresiva de todo tipo de barreira ou obstáculo físico ou sensorial así como a definición concreta dos parámetros de accesibilidade recollidos no código de accesibilidade que deben ser tidos en conta en cada caso.