REQUISITOS

• Estar empadroado no Concello da Coruña.
• Ter recoñecidas dificultades de mobilidade que impidan o uso do transporte público colectivo ou unha discapacidade visual que implique un grao das limitacións na actividade igual ou superior ao 75 %.

DOCUMENTACIÓN

• Impreso de solicitude.
• 1 fotografía tamaño carné recente e orixinal.
• DNI. En caso de menores de 14 anos que non dispoñan del, achegarase o DNI da nai, do pai ou do titor legal.
• Certificado do grao de discapacidade no que conste que ten recoñecida a imposibilidade de uso do transporte público, expedido polos Equipos de Valoración e Orientación - EVO.

RENOVACIÓN

É necesario presentar unha solicitude no Rexistro Xeral Municipal ou Sede electrónica achegando 1 fotografia recente e orixinal. A valoracion da discapacidade, se a anterior non era definitiva.

RECOLLIDA DA TARXETA

Unha vez que o interesado recibe no seu domicilio a notificación da concesión da tarxeta, pode pasar a recollela na Sección de Circulación situada na planta baixa da Estación de Autobuses, Rúa Cabaleiros nº 21 (Estación de Autobuses) achegando a seguinte documentación:

• DNI do titular (orixinal)
• Notificación da concesión.
• Tarxeta anterior (no suposto de renovación).

A tarxeta só se pode retirar de xeito presencial polo titular.

EXPEDICIÓN DE DUPLICADO POR DETERIORACIÓN, PERDA OU ROUBO

• Impreso de solicitude (pódese recoller nas oficinas do Rexistro da área Económica Municipal ou descargar da páxina web: www.coruna.es).
• DNI. En caso de menores de 14 anos que non dispoñan del o, achegarase copia do DNI da nai, do pai ou do titor legal.
• 1 fotografía tamaño carné.
• Denuncia (no suposto de roubo ou perda).
• Aboar a taxa establecida de 3 euros (Ordenanza Fiscal nº 1, epígrafe 1.12.2) na Caixa Municipal nos Servizos Económicos da rúa Franxa.

A citada documentación débese presentar nas oficinas do Rexistro da área Económica Municipal.

BAIXA DA TARXETA

• Rexistro Xeral Municipal, xunto cunha solicitude de baixa.
• Na propia oficina de Circulación na Estación de Autobuses.

VIXENCIA DA TARXETA

Vén determinada polo Certificado de Discapacidade

• Certificado Definitivo: a tarxeta ten unha validez de 10 anos, unha vez transcorridos, hai que renovala.
• Certificado Provisional: a validez da tarxeta é a mesma que a do certificado de discapacidade. Para renovala deberá presentar un novo certificado de discapacidade.
• A tarxeta ten validez en todos os países da Comunidade Económica Europea.