Concello da Coruña

Concello da Coruña

Cando:

2 de xuño de 2023

O Aquarium Finisterrae conmemora o seu vixésimo cuarto aniversario con actividades sobre o medioambiente

Haberá visitas guiadas e obradoiros na semana do 5 ao 11 de xuño

A semana do luns 5 ao domingo 11 de xuño, que engloba o Día Mundial do Medio Ambiente (5 de xuño) e o Día Mundial dos Océanos (8 de xuño), o Aquarium Finisterrae conmemora o seu vixésimo cuarto aniversario (inaugurouse o 5 de xuño de 1999) con actividades para concienciar a cidadanía dos problemas derivados de contaminar a contorna. De luns a venres, ás 17.30 h, os visitantes do acuario coruñés poderán realizar a visita guiada «Sinais de alarma», un itinerario pola sala Maremagnum onde se presentarán e comentarán un variado conxunto de procesos e transformacións ambientais que se están producindo no noso planeta, especialmente en relación coas contornas mariñas. Diferentes módulos e acuarios servirán para abordar cuestións como a acidificación das augas, a contaminación mariña, as especies invasoras, a sobreexplotación dos recursos naturais ou a ruptura dos equilibrios ambientais. Para participar só haberá que aboar a entrada correspondente do Aquarium finisterrae e presentarse na recepción á hora de inicio.

Obradoiros para público familiar

O fin de semana do sábado 10 e o domingo 11 de xuño, en horario de 11.30 h a 13.30 h, haberá obradoiros de arte efémera destinados a público familiar con nenos e nenas a partir de 6 anos. Esta actividade está pensada para concienciar a cidadanía sobre o gran problema ambiental que é a contaminación dos océanos con plásticos. A partir dunha diversidade de refugallos recolleitos en praias galegas, os participantes poderán crear pequenas esculturas sobre peixes e outros animais mariños, tanto reais como imaxinarios. Os obradoiros estarán guiados polo colectivo Retoque Retro e a Asociación Mar de fábula. Se as persoas participantes deciden doar as súas creacións artísticas, sumaranse ao banco de seres mariños que adorna a entrada da sala Humboldt de exposicións temporais. Para participar nesta actividade hai que realizar unha reserva previa na páxina web dos Museos Científicos Coruñeses, a partir das 10.00 h do mércores día 7 de xuño, e aboar a entrada correspondente ao chegar ao acuario. Os talleres teñen unha capacidade máxima diaria de 30 persoas.

Enderezo:

Aquarium Finisterrae. Paseo Alcalde Francisco Vázquez 34. 15002 A Coruña

Novidades

Noticias

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión