A persoa titular dun ben ou dereito afectado por un expediente de ocupación directa ten que achegar a documentación xustificativa da titularidade, ou do dereito que ostente. Esta consiste en:

1. No caso de propietaria/o, escritura pública que xustifique a adquisición do ben ocupado, xunto coa certificación rexistral na que conste o ben inscrito ao seu favor, ou ben no que conste que o ben non figura inscrito a nome de ningunha persoa física ou xurídica.
2. No caso de titular de dereito de arrendamento, ten que achegar: contrato de arrendamento, recibos de pago de renda dos últimos cinco anos (1 ou 2 mensualidades por ano); recibo de pago de subministracións (luz, auga, teléfono, gas...).
3. En caso de que o dereito non se xustifique debidamente, o importe da valoración consignarase na Caixa Xeral de Depósitos do Ministerio de Economía e Facenda. A dita consignación lexitima a esta Administración para ocupar o ben.

A documentación pódese presentar ademais de na Área de Urbanismo en calquera outro rexistro municipal, así como en todos aqueles que establece o art. 38.4 da Lei 30/1992 de réxime xurídico das administracións públicas e do procedemento administrativo común.