Deseñado para mocidade de 10 a 14 anos, haberá dous Science Action Club (SAC) que se reunirán semanalmente na Domus os seguintes días e horas:

• SAC Domus 1: os mércores de 16.30 h a 18.00 h
• SAC Domus 2: os xoves de 16.30 h a 18.00 h

Para participar debes preinscribirte neste formulario en liña, onde deberás escoller entre os clubs SAC 1 e SAC 2, que só se diferencian no día no que se acode á Domus cada semana. Entre todas as persoas preinscritas, sortearanse as prazas dispoñibles (consulta as bases do sorteo no documento adxunto).

O Science Action Club, organizado en colaboración coa California Academy of Science de Estados Unidos, é un club de ciencia cidadá para explorar a natureza e aprender ciencia, tecnoloxía, enxeñería e matemáticas (STEM). Este programa extraescolar inclúe tres bloques nos que se organizarán as actividades e experiencias: Exploradores de aves, Safari de bichos e Buscadores de nubes.