O venres, 18 de novembro, ás 19.30 horas, terá lugar a presentación do libro «Geólogas. Historia de las pioneras en las Ciencias de la Tierra», de Guiomar Calvo, e publicado en primeira edición por Gualdamazán. A obra, premiada co Prisma Casa das Ciencias ao mellor texto inédito na edición de 2021, dá a coñecer a 52 mulleres nadas antes de 1950 que tentaron abrirse camiño no campo da xeoloxía, algunhas como colaboradoras, outras con importantes contribucións.

A presentación do libro irá acompañada do coloquio titulado «La pegada feminista en la divulgación científica», na que participarán Elena Sanz, autora do libro «La ciencia del chup chup», mención honorífica nos Prismas 2022; Antonio Cuesta, director editorial de Gualdalmazán; Xaviera Torres, coautora do programa «La lupa sónica», Prisma 2022 ao mellor traballo en radio; Luís Zurano, coautor de «Dones de ciencia», Prisma 2022 ao mellor proxecto singular; e Ángela Bernardo, autora de «Acoso», Prisma 2022 ao mellor libro editado.