Con motivo da Semana da Ciencia, a Casa das Ciencias, a Domus e o Aquarium Finisterrae terán 9 días consecutivos de entrada gratuíta.

Para visitar eses días o Aquarium Finisterrae é imprescindible realizar unha reserva de entradas, que se pode facer cun máximo de 3 días de antelación nesta ligazón. Para lles  facilitar o acceso ás persoas maiores de 65 anos, estas poderán acceder sen reserva, acompañadas doutra persoa, se o precisan. En calquera caso, as entradas estarán limitadas por un control de capacidade do recinto.

A visita ás salas de exposicións da Casa das Ciencias e Domus será libre, sen reserva previa, e sempre que a capacidade non estea completa.

Para asistir a unha das sesións do planetario na Casa das Ciencias si hai que realizar unha reserva de entradas nesta ligazón, que se poderá facer a partir das 9.00 horas do día anterior á sesión.

Programación do planetario

De luns a venres:

• 18:00 h Sesión en directo, (cast/gal, + 10 anos)

Fins de semana:

• 11:30 h La noche es necesaria (castelán, +10 anos)

• 13:00 h A grande aventura do sistema solar (galego, + 4 anos)

• 17:00 h La gran aventura del sistema solar (castelán, + 4 anos)

• 18:00 h Sesión en directo, (cast./gal., + 10 anos)

O horario de apertura dos tres museos é das 10.00 ás 19.00 horas, con último acceso ás 18.00 horas no Aquarium e ás 18.30 horas na Casa das Ciencias e Domus.