A Semana da Ciencia nos Museos Científicos Coruñeses comezará este ano o luns 15 de novembro, festividade de San Alberto Magno, patrón das ciencias. En previsión dunha importante afluencia de público durante esa semana, e para facilitar o acceso, recoméndase ás persoas que desexen visitar os Museos Científicos que realicen unha reserva de entradas, que poderá facerse cun máximo de 3 días de antelación. As persoas que non reserven terán acceso, unicamente se o aforamento do museo nese momento non está completo.

Para a asistencia ás sesións de Planetario repartiranse as invitacións que estean dispoñibles media hora antes de cada sesión.

Reservas Casa das Ciencias

Reservas Domus

Reservas Aquarium Finisterrae

A Semana da Ciencia completarase con outros actos que se celebrarán o sábado 20 e domingo 21 de novembro:

• Entrega dos XXXIV Prismas Casa das Ciencias á Divulgación Científica, que terá lugar no salón de plenos do Concello da Coruña. Sábado 20 de novembro.
• HispaCón. Convención anual organizada pola Asociación Española de Fantasía, Ciencia Ficción e Terror. No marco deste evento, o sábado 20 terán lugar na Domus dúas charlas:

«Conversación con Conchi Regueiro», autora galega de ciencia ficción. Ás 16.00 horas.

«Crónicas (científicas) marcianas», cos divulgadores Borja Tosar, Uxía Vales e Estíbaliz Espinosa. Ás 17.00 horas.

Repartiranse invitacións media hora antes de cada charla ata completar capacidade.

• Festival Cecía Fest. Actuacións de coros e danzas no Aquarium Finisterrae e nos exteriores da Casa das Ciencias.