RENOVACIÓNS:

A persoa que solicite a renovación da súa tarxeta de residente, e sempre que non modificase as condicións que lle dean dereito a ela, deberá enviar por correo electrónico a residentes@coruna.setex.es a seguinte documentación, debidamente cuberta:

• Declaración responsable debidamente asinada.
• Xustificante Ingreso Taxa por importe de 18,65 €, no número de conta ES23 0081 5363 2400 0114 9316. No concepto deberá figurar, nome solicitante-matrícula-ano (exemplo: José Pérez-1234BBB-2021).
• Xustificante de pago do recibo do seguro obrigatorio en vigor (no que conste a matrícula e o período de vixencia) (só válido recibo do seu pago, non válida póliza).

Unha vez recibida e comprobada a dita documentación, a persoa usuaria recibirá un correo electrónico coa confirmación da alta como usuaria residente para o ano 2021, poñendo á súa disposición a dita tarxeta, que será enviada a través de correo ordinario.

No caso de que a persoa usuaria non poida acceder por medios telemáticos, deberá presentar persoalmente, obtendo cita previa no teléfono 881 123 938, a documentación e, unha vez comprobada esta, avisarase telefonicamente, confirmando a alta como usuario/a residente para o ano 2021, poñendo á súa disposición a dita tarxeta, que será enviada, a través de correo ordinario.

NOVAS ALTAS:

A persoa que desexe solicitar por PRIMEIRA VEZ a súa tarxeta de residente deberá remitir por correo electrónico residentes@coruna.setex.es a seguinte documentación:

• Solicitude xeral , solicitando expresamente o devandito trámite.
• Fotocopia DNI da persoa solicitante.
• Fotocopia do Permiso de Circulación do Vehículo.
• Xustificante de pago do recibo do seguro obrigatorio en vigor (no que conste a matrícula e o período de vixencia) (só válido recibo do pago, non válida póliza).

Unha vez recibida e comprobada a documentación, a persoa usuaria recibirá un correo electrónico no que será informada do dereito ou non ao acceso á dita tarxeta. En caso afirmativo, a persoa usuaria deberá realizar o aboamento correspondente no número de conta ES23 0081 5363 2400 0114 9316 por importe de 18,65 €, No concepto deberá figurar, nome solicitante-matrícula-ano (exemplo: José Pérez-1234BBB-2021). O dito xustificante será enviado por correo electrónico a residentes@coruna.setex.es .

Unha vez recibido e comprobado, o/a usuario/a recibirá un correo electrónico coa confirmación da alta como usuario/a residente para o ano 2021, poñendo á súa disposición a dita tarxeta, que será enviada a través de correo ordinario.

No caso, de que a persoa usuaria non poida acceder por medios telemáticos, deberá presentar persoalmente a documentación, obtendo cita previa no teléfono 881 123 938 e, unha vez comprobada esta, avisarase telefonicamente, coa confirmación do dereito ou non á dita tarxeta. En caso afirmativo, deberá realizar o aboamento da taxa correspondente, e entregar o xustificante de ingreso. Unha vez recibido nas oficinas de tramitación, chamarase ao teléfono facilitado, coa confirmación de alta da súa tarxeta de residente, que será enviada a través de correo ordinario.