Quen pode participar nesta convocatoria pública?

Calquera persoa propietaria dunha vivenda no Concello da Coruña ou en calquera outro termo municipal. En caso das vivendas situadas nun concello diferente do da Coruña, quedará a criterio do Consello de Administración de EMVSA aceptalas ou non.

Cales son as condicións do alugamento?

O titular do contrato de alugamento será a Empresa Municipal de Vivenda e rexerase pola Lei de arrendamentos urbanos.

Canto percibe a persoa propietaria?

Ata 660 € en función das características da vivenda.

Que garante EMVSA?

O pago mensual da renda e a reparación dos posibles danos causados na vivenda derivados dun mal uso.

Cando se pode solicitar a participación neste banco de vivendas?

O prazo de presentación de solicitudes é de 10 días hábiles desde a publicación das bases da convocatoria no Boletín Oficial da Provincia de maneira que será desde o 20 de febreiro ata o 5 de marzo.

Que tramites se deben facer para participar nesta convocatoria pública?

Deberase dirixir unha solicitude á presidenta do Consello de Administración de EMVSA xunto coa documentación disposta no artigo 8.3 das bases da convocatoria.

Como se poden presentar as solicitudes?

As solicitudes, así como o resto da documentación necesaria, presentaranse na sede de EMVSA, Casa da Auga, 1ª planta, en horario de 8:00 a 15:00 h.

Admitiranse tamén as solicitudes, xunto con toda a documentación preceptiva, no rexistro ou en calquera rexistro presencial do Concello da Coruña, a pesar de que se lle deberá comunicar a dita solicitude a EMVSA enviando unha copia da solicitude rexistrada, o mesmo día da presentación ou o seguinte día hábil, ao seguinte enderezo de correo electrónico: contratacion@emvsa.es

As solicitudes deberán conter o Modelo de solicitude, o Modelo de declaración responsable que se achega en documentos relacionados e toda a documentación disposta no artigo 8.3 das bases.