A Concellería de Benestar Social, Participación e Igualdade pon en marcha na rede de centros cívicos da cidade unha nova edición do programa Maiores en Plena Forma, con carácter gratuíto e dirixido a persoas maiores de 50 anos.

O obxectivo do programa é promover un envellecemento activo mediante o desenvolvemento de actividades que potencien o benestar físico, psíquico e sociocultural.

A programación inclúe, entre outras actividades, sesións de ximnasia de mantemento e prevención de caídas, ioga, bailes terapéuticos, musicoterapia, manexo de móbil e redes sociais, itinerarios pola cidade con guía, etc.

Inscrición e desenvolvemento das actividades

As persoas interesadas deberán formalizar a súa inscrición entre o 11 e o 18 de febreiro, ambos os días incluídos, no centro cívico correspondente. As prazas son limitadas e asignaranse por rigorosa orde de chegada.

As actividades levarán a cabo entre o 23 de febreiro e o 29 de maio. A información de cada actividade (datas, horarios e centros cívicos nos que se van a realizar) pódese consultar nos documentos adxuntos ao final desta noticia.