Neste escenario atópanse dous nenos que, a través do movemento e o xogo, obsérvanse, recoñécense e descobren aquilo que os fai diferentes e únicos. A obra reflexiona sobre como se forma a nosa identidade e formula preguntas como: en que momento deixamos de mostrarnos tal e como somos?, canto inflúen en nós as opinións das demais persoas?, somos realmente o que outras persoas din que somos?

A peza aborda conceptos como a diversidade, a identidade, o equilibrio, a aceptación e a construción do eu, utilizando a danza como unha linguaxe próxima e sensible. Os nenos e nenas non son tratados unicamente como espectadores/as, senón como persoas capaces de observar, interpretar e participar emocionalmente nesa reflexión.

• Dirección artística e autoría: Omar Meza
• Intérpretes: Raúl Durán e Álvaro G. Copado

Puntos de venda de entradas:

• En liña: www.ataquilla.com
• Despacho de billetes da praza de Ourense: de luns a venres, das 11.00 ás 15.00 h e das 16.30 ás 19.30 h, excepto festivos
• Despacho de billetes do Centro Ágora: dende unha hora antes do comezo do espectáculo, sempre que queden entradas dispoñibles