Cando a cidade aínda dorme, a lonxa, unha das maiores de Europa, acolle a centos de pescadores, armadores, vendedores de peixe, intermediarios e cociñeiros que buscan o mellor para os seus negocios e participan na poxa diaria do peixe. Todo un espectáculo que moi poucos habitantes da cidade coñecen de primeira man e ao que poderemos asistir en vivo e en directo. Posteriormente, representantes da lonxa e o seu tecido empresarial desvelarannos as reviravoltas do seu funcionamento e convidarannos a tomar un café. A continuación, Javier Ozores, vicepresidente da Academia Galega de Gastronomía, impartirá un showcooking na sala acristalada da lonxa, aproveitando a mellor materia prima do día, que degustaremos tamén a modo de "almorzo mariñeiro". Prepárate para o madrugón; será o máis divertido da túa vida.

Inscrición: