Karaoke deportivo dos Bolechas é un espectáculo con actores ao vivo e monicreques no que a caravana dos Bolechas se converte nun escenario móbil co deporte e a música como centro da acción. Nesta nova aventura, os irmáns organizan un gran karaoke deportivo ao aire libre no que o público tamén participa con cancións, imitando deportes... A mellor maneira de transmitir o uso do galego nas familias novas con nenos e nenas.

Volven os Bolechas ao programa FalaRedes 2026 da Secretaría Xeral da Lingua da Xunta de Galicia.

A actividade está recomendada para público familiar.

Realizarase en espazo aberto, no Campo da Leña e a entrada será libre. 

Organiza o Servizo de Normalización Lingüística do Concello da Coruña.