A Xunta de Goberno Local, na sesión que tivo lugar o 18.03.2026, acordou aprobar inicialmente o documento denominado "Estudo de detalle de ordenación de volumes no CIFP Paseo dás Pontes, para a súa ampliación. Setembro 2025" promovido pola Consellería de Educación, Ciencia, Universidades e Formación Profesional, e redactado por Terceroderecha arquitectos, SLP.

En cumprimento do disposto no artigo 80.2 da Lei 2/2016, de 10 de febreiro , do chan de Galicia, e nos artigos 194.2 e 207 do seu regulamento, sométese o expediente a información pública polo prazo dun (1) mes contado desde o día seguinte ao da última das publicacións deste anuncio, no Diario Oficial de Galicia ou nun dos xornais de maior difusión na provincia, para que calquera persoa poida examinar o estudo de detalle e formular as alegacións que procedan.

A documentación estará a disposición das persoas interesadas no taboleiro de anuncios da sede electrónica do concello, no epígrafe de publicidade oficial, taboleiro de anuncios e edictos do Concello da Coruña, información urbanística; na web de Urbanismo, no epígrafe exposición pública, e no visor Desenvolvemento do PXOM 2013. Tamén poderá consultarse fisicamente nas dependencias da área de Urbanismo, Rehabilitación e Vivenda do Concello da Coruña (praza de Indalecio Prieto, 1-3), das 9:00 ás 13:00 horas, de luns a venres.

A Coruña, 27 de marzo de 2026

Concelleiro delegado responsable da área de Urbanismo, Rehabilitación e Vivenda