Concello da Coruña

Concello da Coruña

Expropiación Urbanística

En que consiste?:

O sistema de expropiación inclúese entre os sistemas de actuación directos e a administración actuante poderá utilizalo amparada en razóns de urxencia e necesidade.
A expropiación pode ser utilizada como sistema de actuación, como modo de obter sistemas xerais e locais e como forma de sanción por incumprimento de deberes urbanísticos.
A aprobación dos plans e a delimitación dos polígonos que se vaian a desenvolver polo sistema de expropiación implicará a declaración de utilidade pública e a necesidade de ocupación dos bens afectados.

A quen vai dirixido?:

A través do mecanismo da expropiación forzosa a Administración pública obtén dotacións, que tras a súa urbanización pon ao servizo da colectividade en xeral.

O expediente xeralmente utilizado é o de taxación conxunta, debido a que a aprobación definitiva do mesmo implica a declaración de urxencia e lexitima para a ocupación dos bens e dereitos afectados, previo abono, ou ben consignación na Caixa Xeral de Depósitos da valoración municipal; con independencia da tramitación do expediente de justiprecio no Xurado de Expropiación.

O expediente de taxación conxunta ha de conter os seguintes documentos:

  • Delimitación do ámbito territorial con documentos que identifiquen a situación do ben, superficie e lindes, descrición de dereitos afectados e relación de titulares.
  • Fixación razoada de prezos, de conformidade coa súa clasificación urbanística.
  • Follas de justiprecio individualizado de cada leira co valor do chan, edificacións, obras, instalacións e plantacións se as houbese.
  • Follas de justiprecio que corresponden a outras indemnizacións, no seu caso.

Canles de presentación

Presencial

Que se necesita?:

O expediente xeralmente utilizado é o de taxación conxunta, debido a que a aprobación definitiva do mesmo implica a declaración de urxencia e lexitima para a ocupación dos bens e dereitos, abonando ou ben, consignando na Caixa Xeral de Depósitos a valoración municipal, independente da tramitación do expediente de justiprecio no Xurado Provincial de Expropiación.

O expediente de taxación conxunta ha de conter os seguintes documentos:
  • Delimitación do ámbito territorial con documentos que identifiquen a situación do ben, superficie e lindes, descrición de dereitos afectados e relación de titulares.
  • Fixación razoada de prezos, de conformidade coa súa clasificación urbanística.
  • Follas de justiprecio individualizado de cada leira co valor do chan, edificacións, obras, instalacións e plantacións se as houbese.
  • Follas de justiprecio que corresponden a outras indemnizacións.

Internet

Teléfono

Máis información:

  • O titular dun ben ou dereito afectado por expediente de expropiación ha de achegar a documentación xustificativa da titularidade, ou do dereito que ostente. Esta consiste en:
  1. No caso de propietario, escritura pública que xustifique a adquisición do ben expropiado, acompañada de certificación rexistral na que conste o ben inscrito ao seu favor, ou ben, no que conste que o ben non figura inscrito a nome de persoa física ou xurídica algunha.
  2. No caso de titular de dereito de arrendamento, ha de achegar: contrato de arrendamento, recibos de pago de renda do últimos cinco anos (1ó 2 mensualidades por ano); recibo de pago de subministracións (luz, auga, teléfono, gas...).
  3. En caso que o dereito non se xustifique debidamente, o importe da valoración consignarase na Caixa Xeral de Depósitos do Ministerio de Economía e Facenda. Dita consignación lexitima a esta Administración para ocupar o ben expropiado.
  • A documentación pode presentarse ademais de en a área de Urbanismo en calquera outro rexistro municipal, así como en todos aqueles que establece o art. 38.4 da Lei 30/1992 de Réxime Xurídico das Administracións Públicas e do Procedemento Administrativo Común.

Onde se fai?

Documentos relacionados

  • mod 001 solicitude xeral (65 KB)

Convenios urbanísticos

Desde este apartado pódese ter acceso ao texto dos convenios urbanísticos asinados polo Concello da Coruña con outras administracións públicas ou entidades particulares.

Convenios urbanísticos

Documentos en exposición pública

Exposición pública

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión