Ute Lemper, unha das divas da canción europea, naceu en Münster, e aos 9 anos xa deambulaba arredor do piano da súa nai, cantando e bailando. Tras estudar música en Viena, Colonia e Berlín, Andrew Lloyd-Weber ofreceulle participar en 'Cats', o seu primeiro gran papel. A partir de aí crece a súa lenda: descobre a Kurt Weill, canta as cancións de Marlene Dietrich e Edith Piaff, e en 1987 realiza a súa primeira xira mundial. Canta para Michael Nyman, Jacques Prévert ou Steven Sondheim, pero ningunha faceta do creativo lle é allea: escribe, actúa, pinta... en resumo, unha artista única. Despois de Between Yesterday and Tomorrow, publicou Paris Days, Berlin Nights. A cantante alemá alterna os espectáculos Last Tango in Berlín e Forever: The Love Poems of Pablo Neruda nos seus directos.

Virá co espectáculo last Tango in Berlín, que recrea unha viaxe musical entre París, Berlón, Bos Aires e Nova York, mesturando cabaré, tango, jazz e chanson.