Suecia, Noruega, Dinamarca | 2016 | 76 min

V.O. en inglés subtitulada en castelán.

O tópico define a Suecia como un modelo de sociedade avanzada cunha elevada calidade de vida. Pero, é realmente un país feliz? É posible que a poboación máis autónoma e independente do mundo estea insatisfeita?

Sen a necesidade de pedir axuda ou favores, o contacto humano queda reducido á mínima expresión. Cada vez hai máis nais solteiras que teñen fillos a través da inseminación artificial. O número de xente que morre soa aumenta ano tras ano. Merece a pena asumir o illamento e a soidade para ter unha vida autónoma e independente?

O iconoclasta director Erik Gandini explora o estilo de vida sueco con sentido do humor, reflexionando sobre como unha vida segura e fácil pode converterse nunha existencia baleira e solitaria.

VENDA DE LOCALIDADES:

Despacho Central da praza de Ourense: de luns a venres (excepto festivos) de 9.30 a 13.00 e de 16.30 a 19.30 h.

Despacho do Centro Ágora: aberto só días de función desde unha hora antes (só se hai localidades dispoñibles)

Televenda: 902 044 226 (de luns a venres de 9.00 a 22.00 h; sábados de 14.00 a 22.00 h; domingos de 16.00 a 21.00 h)

www.ticketea.com