A Xunta de Goberno Local, na sesión que tivo lugar o 01.07.2026, acordou aprobar inicialmente o documento denominado "Proxecto de reparcelamento do POL L31 'Cuartel deAutomóbiles' do PXOM da Coruña. Xuño 2026", co CSV 521S5P5G4A3H614817MZ, promovido polo Concello da Coruña e asinado polos arquitectos Álvaro Fernández Carballada, Beatriz Aneiros Filgueira e Laura Fernández Suárez, cos números de COAG 1047, 2137 e12752, respectivamente, e pola avogada Elena Díaz Valverde, colexiada co número 3030, todos eles pertencentes á empresa Fernández Carballada e Asociados S.L.P.

En cumprimento do disposto no artigo 106 da Lei 2/2016, do 10 de febreiro, do Chan de Galicia, e articulo 270 do seu Regulamento, sométese o expediente a información pública polo prazo dun (1) mes contado desde o día seguinte ao da última das súas publicacións deste anuncio, no Boletín Oficial da Provincia ou nun dos xornais de maior difusión na provincia, para que calquera persoa poida examinar o proxecto de reparcelamento e formular as alegacións que pocedan.

A documentación estará a disposición no taboleiro de anuncios e edictos da sede electrónicado Concello da Coruña, na apartado «Información urbanística», estando igualmente habilitado o acceso directo ao documento técnico obxecto desta aprobación a través da seguinte dirección web: https://www.coruna.gal/urbanismo/gl/informacion-enormativa/exposicion-publica.Así mesmo, poderá consultarse presencialmente nas dependencias da área de Planificación Estratéxica do Concello da Coruña, situadas no Palacio Municipal de María Pita (praza de María Pita, 1), de 9:00 a 13:00 horas, de luns a venres, mediante cita previa, que deberá solicitarse no teléfono 981 18 42 00, extensión 10241.

A Coruña, 8 de xullo de 2026

José Manuel Lage Tuñas

Concelleiro delegado responsable das Áreas de Economía e Planificación Estratéxica