ANUNCIO de información pública do estudo de detalle da mazá Z4-R17L Zona Z4, Parcela R17L, SURT 1 San Pedro de Visma, A Coruña (expediente 631/2023/156).

A Xunta de Goberno Local, na sesión celebrada o 27.08.2025, acordou aprobar inicialmente o documento denominado "Estudo de detalle da mazá Z4-R17L Zona Z4, Parcela R17L, SURT 1 San Pedro de Visma, 15191, A Coruña. Xullo 2025", promovido por Metrovacesa S.A. e redactado Álvaro Romeu Arquitectos S.L, sociedade profesional colexiada co Nº 20084 do COAG, e asinado polos arquitectos representantes Álvaro P. Romeu Gil-Delgado e Hugo Romeu Novás, cos números de colexiados 979 e 4654, respectivamente.

En cumprimento do disposto no artigo 80.2 da Lei 2/2016, de 10 de febreiro, do chan de Galicia, e artigos 194.2 e 207 do seu Regulamento, sométese o expediente a información pública polo prazo dun (1) mes contado desde o día seguinte ao da última das publicacións deste anuncio, no Diario Oficial de Galicia ou dun dos xornais de maior difusión na provincia, para que calquera persoa poida examinar o estudo de detalle e formular as alegacións que procedan.

A documentación estará a disposición no taboleiro de edictos da sede electrónica do concello na apartado información urbanística; na páxina web de Urbanismo no apartado de exposición pública, e no visor "Desenvolvemento do Plan". Tamén poderá consultarse fisicamente nas dependencias da área de Urbanismo, Rehabilitación e Vivenda do Concello da Coruña (praza de Indalecio Prieto, 1-3), de 9:00 a 13:00 horas, de luns a venres.

A Coruña, na data da firma electrónica deste documento

O Concelleiro delegado responsable da área de Urbanismo, Rehabilitación e Vivenda