ANUNCIO de información pública da modificación puntual do PXOM da Coruña, no ámbito do Sector SURT-2 "Parque Ofimático/Xuxán" (expediente 631/29018/30).

O Pleno do Concello, na sesión extraordinaria celebrada o 31.07.2025, acordou aprobar inicialmente o documento denominado "Modificación Puntual Nº 17 do Plan Xeral de Ordenación Municipal da Coruña no ámbito do Sector SURT-2 'Parque Ofimático / Xuxán', xullo 2025" , promovida polo Instituto Galego de Vivenda e Solo e o Concello da Coruña, e redactado por Fernández Carballada Asociados SLP, e asinada polos arquitectos Álvaro Fernández Carballada Beatriz Aneiros Filgueira e Laura Fernández Suárez, cos números de colexiados no COAG 1.047, 2.137 e 12.752, respectivamente.

En cumprimento do disposto no artigo 60.6 da Lei 2/2016, de 10 de febreiro, do chan de Galicia, e artigos 144.6 e 207 do seu Regulamento, sométese o expediente a información pública polo prazo de dous (2) meses, contado desde o día seguinte ao da última das publicacións deste anuncio, no Diario Oficial de Galicia ou dun dos xornais de maior difusión na provincia, para que calquera persoa poida examinar a modificación puntual e formular as alegacións que procedan.

A documentación estará a disposición no taboleiro de edictos da sede electronica do concello na apartado información urbanística; na páxina web de Urbanismo no apartado de exposición pública, e no visor "Desenvolvemento do Plan". Tamén poderá consultarse fisicamente nas dependencias da área de Urbanismo, Rehabilitación e Vivenda do Concello da Coruña (praza de Indalecio Prieto, 1-3), de 9:00 a 13:00 horas, de luns a venres.

A Coruña, 20 de agosto de 2025

O Concelleiro delegado responsable da área de Urbanismo, Rehabilitación e Vivenda