A Coruña acolleu hoxe a inauguración dunha nova edición de BioCultura & Ecoturismo, a feira de produtos ecológicos e de consumo responsabl máis importante do país. O evento, que conta co apoio do Concello da Coruña a través do Consorcio de Turismo e Congresos da cidade, desenvolverase ata este domingo en EXPOCoruña.

O concelleiro de Cultura e Turismo, Gonzalo Castro, participou no acto de apertura xunto con numerosos asistentes, que puideron visitar ata 130 expositores dedicados a diferentes sectores. "Biocultura non é só una feira de produtos ecolóxicos e consumo responsable máis importante de España, senón que é un punto de encontro de carácter internacional ao redor dos sectores da alimentación bio, a moda sostenible, o ecoturismo ou o eco-estilo de vida", subliñou o concelleiro de Cultura e Turismo Gonzalo Castro.

Durante os próximos días agárdase que milleiros de persoas se acheguen ata Biocultura para descubrir as novidades do turismo sostible e participar en máis de 120 actividades. Un congreso que reforza A Coruña dentro do sector do turismo MICE. "É xusto mencionar que a aposta do goberno local, que comanda Inés Rey, funcionou. Somos un lugar referente na acollida de grandes congresos en el Noroeste Peninsular", destacou Castro. No 2025, A Coruña acolleu 82 eventos relacionados co sector de congresos e feiras, atraendo á cidade máis de 116.000 persoas.

Na mañá desta primeira xornada de feira o público puido participar nun showcooking sobre os beneficios da dieta con aceite de oliva virxe extra bio e noutro sobre cosmética econatural especializada. Tamén houbo degustación de produtos bio para almorzos ou merendas e o uso de algas no día a día.

Pola tarde continuará a programación con formacións e charlas. sobre a talasoterapia, a meditación ou como limpar o fogar sen tóxicos. Ecoturismo enmárcase nas actuacións que está a promover na cidade o Goberno de Inés Rey, como a celebración dos mercados ecolóxicos que se celebran periodicamente nos distintos barrios e que buscan tamén levar á cidadanía os productos de cercanía e da mellor calidade.